Námskeiðið er frá klukkan 9 - 13, mánudag til föstudags. Hvern dag er nýtt viðfangsefni eða þema sem við vinnum út frá. Börnin fá að geyma listaverkin sín í möppu sem er merkt þeim og Þórunn heldur utan um. Í lok námskeiðs fá þau svo að taka með sér heim bók, sem inniheldur öll listaverk vikunnar, auk tómra blaðsíðna í lokin til að bæta við fleirum. Hádegismatur er kl. 11:30. Þegar börnin hafa lokið við að borða, fá þau að leika sér með krítar, sippubönd og sápukúlur sem eru í boði. Þá förum við aftur inn og klárum daginn þar. Í vikunni er farið í tvær stuttar vettvangsferðir, göngutúr að tína blóm og heimsókn á Hönnunarsafn Íslands. Foreldrar fá svo sendar myndir af barninu sínu í tölvupósti, þegar námskeiðinu er lokið.

mánudagur

Teiknimyndapersónur

þriðjudagur

Sjálfsmynd

miðvikudagur

Blóm og plöntur

fimmtudagur

Dýrin

föstudagur

Klára verkefni

Skreyta bók

Frjálst

(Með fyrirvara um breytingar)